RTSH Sport Live

Paga e lartë është problem, Hysaj drejt largimit nga Lazio

  • 20/06/2024
  • |
  • Itali
Paga e lartë është problem, Hysaj drejt largimit nga Lazio

I kërkuar shumë nga Sarri, pas tre vitesh te Lazio, Hysaj mund të largohet nga Roma. Ish-lojtari i Napolit ka edhe një vit të mbetur nga kontrata e tij me një pagë të majme prej rreth dy milionë euro neto. Paga e Hysajt paraqet një problem, me Lazion që aktualisht nuk po mendon për zgjidhjen e kontratës.

Ideja është të fitosh para dhe më pas të investosh në një mbrojtës të majtë të ri (Mitaj është shumë i pëlqyer), por për momentin nuk ka ardhur asnjë ofertë. Pa shitjen e një mbrojtësi të krahut, Lazio do të mbetet me katër mbrojtësit e krahut të disponueshëm sot.

Është e vështirë të imagjinohet largimi i njërit prej Pellegrinit apo Marusic, për të vlerësuar pozicionin e Lazzari. Ai që largohet është Hysaj, por pa oferta zyrtare do të jetë e vështirë.