Në prag të ndeshjes së kthimit në Ligëne Konferencës kundër zviceranëve të Bazel, Partizani ka publikuar çmimet e biletave për tifozët që do të jenë prezente në “Elbasan Arena” për të ndjekur skuadrën.
Takimi luhet të enjten ora 20:00 dhe stadiumi do të jetë i hapur në 30% të kapacitetit.
Çmimet e blietave për këtë ndeshje variojnë nga 300 lekë të reja, deri në 1000 lekë të reja.
Gjithashtu, në njoftimin në faqen zyrtare nënvizohen masat anti-Covid, ruajtjen e distancës në stadium dhe mbajtjen e maskës.
Në sfidën e parë të luajtur në Zvicër, Partizani mori një humbje deri diku të pamerituar 3-0, ndërsa në ndeshjen e kthimit skuadra e Ilir Dajës shpreson të dhurojë një paraqitje dinjitoze.
Kualifikimi shihet si mision tejet i vështirë, pasi të kuqve do ti duhet të permbushin 3 golat e pësuar, dhe të fitojnë ndaj gjigandëve zviceranë me 4 gola diferencë, ose minimalisht me 3 gola diferencë për ta çuar ndeshjen në shtesë.
Njoftimi i klubit:
Biletat në Tribunat Qëndrore A1, A3, A4 dhe B1, B2, B2, B3, B4, B5 do të kushtojnë 1 000 Lek (të reja)Biletat në Tribunat përballë C3, D, E, F, G1, do të kushtojnë 300 Lek (të reja)
Në këtë takim prezenca e publikut do të lejohet vetëm 30% e kapacitetit të stadiumit. Sipas protokolleve të UEFA-s tifozët duhet të respektojnë masat anti COVID-19:
Tifozët nuk duhet të hyjnë në stadium të organizuar dhe të respektojnë dictancën sociale brenda dhe jashtë ambienteve të stadiumit.Tifozët duhet të respektojnë distancën sociale që në hyrje të stadiumit, duhet të mbajnë maska, të bëhet dizinfektimi i duarve dhe akses në stadium do të kenë vetëm pasi të masin temperaturën në hyrje.Gjatë qëndrimit në tribuna tifozët duhet të përdorin ulëset sipas numrit të biletës që disponojnë.
