RTSH Sport Live

Partizani dhe Teuta, “koleksion” me gjoba

  • 01/12/2021
  • |
  • Abissnet Superiore
Partizani dhe Teuta, “koleksion” me gjoba
Disiplina vijon të “arkëtojë” të ardhura nga të dy klubet

Në vendimet e fundit për parregullsitë e radhës në futbollin tonë Komisioni i Disiplinës vijon të gjobisë Partizanin dhe Teutën për të njëjtën shkelje. Të dy klubet nuk pranojnë të vendosin logon e Abissnet Superirore në fanellë, dhe për këtë arsye gjobat vijojnë radhazi, por pa efekt.

100 mijë lekë të reja gjobë, e disata herë që kjo shifër shkon në arkat e FSHF-së dhe që mesa duket nuk përbën problem as për të kuqtë e as për durrsakët. Në vendimet e tjera, Disiplina ndëshkon me masë administrative Skënderbeun, 50 mijë lekë të reja gjobë për sjellje të gabuar të spektatorëve në sfidën ndaj Tiranës.

Ndërkohë, Kastrioti pas humbjes ndaj Dinamos duket se ka shfryrë nervat me ambjentet e dhomave të zhveshjes në Elbasan Arena, dhe për këtë arsye detyrohet të dëmshpërblejë të gjitha dëmet brenda 15 ditëve. Përsa i përket kategorive inferior, festivali i grushtave e sjelljeve jo sportive vazhdon, futbollistë e trajnerë dënohen me 4 deri ne 8 ndeshje pezullim, vendime të cilat nuk po japin asnjë efekt prej kohësh.

VENDIMET:

1. KF Skënderbeu, për sjellje të gabuar të spektatorëve, në bazë të neneve 65/1 dhe 65/3/a të KDS, dënohet me gjobë në masën 50.000 (pesëdhjetë mijë) lekë.
2. KS Kastrioti, për sjellje të gabuar të lojtarëve pas përfundimit të ndeshjes, në bazë të neneve 64/1, 64/4 dhe 64/5 të KDS, urdhërohet të dëmshpërblejë dëmet e shkaktuara në dhomat e zhveshjes në Stadiumin “Elbasan Arena” sipas akt konstatimit, brenda 15 ditëve.
3. FK Partizani, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.
4. KF Teuta, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.
5. Zyrtari i KF Turbina, Alfred Allamani, për protestë ndaj vendimeve të zyrtarit të ndeshjes, me gjeste dhe fjalë ofenduese, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
6. Lojtari i KF Gramshi, Kabiru Nifemi Dumoye, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
7. Lojtari i FK Këlcyra, Alvaro Merko, për sulm ndaj kundërshtarit dhe sjellje josportive ndaj zyrtarëve të ndeshjes, në bazë të neneve 47/1/e dhe 48/1/a të KDS, dënohet me 6 (gjashtë) ndeshje pezullim nga aktiviteti.
8. Lojtari i Shkëndija Dr. U-17, Jurgen Jakupi, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
9. Lojtari i FC Kinostudio U-17, Flavio Beshiraj, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
10. Lojtari i KS Korabi U-19, Mateo Merxhushi, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
11. Lojtari i A.F. Bajrami U-19, Olci Murati, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
12. Zyrtari i A.F. Bajrami U-19, Arvi Bajrami, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.
13. Lojtari i KF Vllaznia U-15, Erigestino Pepnikaj, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
14. Pranimin e kërkesës së lojtarit të FC Internacional Tirana U-13, Arnis Neza, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
15. Pranimin e kërkesës së lojtarit të FC Internacional Tirana U-13, Etien Gjergji, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
16. Pranimin e kërkesës së zyrtarit të KF Egnatia, Eduart Thartori, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, zyrtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
17. Pranimin e kërkesës së zyrtarit të Luzi 2008, Edmond Dalipaj, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, zyrtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
18. Rrëzimin e kërkesës së lojtarit të Shënkolli, Bledi Zefi, si të pabazuar në Kodin e Disiplinës Sportive.