Krahas fazës përgatitore në Slloveni, Partizani po mendon dhe për përforcimet. Së fundmi të kuqtë kanë zyrtarizuar portierin, Bekim Rexhepi, i cili vjen nga Shkëndija e Tetovës, por që ka luajtur si i huazuar me Skënderbeun. Portieri nga Shkupi do të jetë pjesë e kryeqytetasve për tre sezonet e ardhshme.
Gjithashtu, është zyrtarizuar marrëveshja me Kukësin për huazimin e Edison Ndrecës. Mbrojtësi i majtë do të vijë në radhët e të kuqve si një përforcim për Kupat e Europës.
Njoftimi i klubit:
Bekim Rexhepi do të jetë pjesë e Partizanit për tre sezonet e ardhshme. FK Partizani me kënaqësi zyrtarizon arritjen e marrëveshjes me KF Shkëndijën e Tetovës për transferimin definitiv të portierit nga Shkupi, i cili ka zgjedhur të kuqtë për të vijuar karrierën në kampionatin tonë. Gardiani 25 vjeçar ishte pjesë e Skënderbeut në formulën e huazimit nga KF Shkëndija.
FK Partizani njofton zyrtarizimin e marrëveshjes me FK Kukësin për huazimin e lojtarit Edison Ndreca. Mbrojtësi i majtë, bashkohet me 16-të herë kampionët e Shqipërisë🔴 si përforcim në kuadër të ballafaqimeve në Kupat e Europës.