Mes mijëra viktimave të tërmetit që shkatërroi Turqinë dhe Sirinë është edhe një futbollist. Ky është Ahmet Eyup Turkaslan, portieri i Malatyaspor, një klub që luan në Serinë B turke. Ishte klubi i tij që e zyrtarizoi vdekjen e tij me një postim në Tëitter: "Porteri ynë Ahmet Eyup Turkaslan humbi jetën nën rrënoja pas tërmetit. Pusho në paqe. Nuk do të të harrojmë, ishe një person i bukur". Fatmirësisht gruaja dhe vajza e 28-vjeçarit janë nxjerrë të gjalla nga rrënojat.
Në orët e fundit edhe trajneri i skuadrës Yàlmaz Vural kishte rrëfyer për mediat se ishte shumë i shqetësuar pasi lojtari ishte i vetmi në ekip që nuk ishte larguar nga qyteti.
Turkaslan filloi karrierën e tij profesionale me Bugsasspor. Më pas kaloi te Osmanlispor, ku arriti pjekurinë e tij futbollistike. Në vitin 2020, për një sezon, ai veshi fanellën e Umraniyesporit përpara se të transferohej te Malatyaspor, skuadra në të cilën luajti deri në momentin tragjik.
