RTSH Sport Live

Qitja, në provë para Europianit

  • 08/05/2021
  • |
  • Të tjera
Qitja, në provë para Europianit
Kampionati kombëtar me armë ajri konsiderohet aktiviteti më i rëndësishëm për vitin 2021

Kampionati Kombëtar i qitjes me armë ajri, që u zhvillua në Poligonin “Rexhep Ramaj” të klubit shumësportësh Studenti, është ndër aktivitetet më të rëndësishme të drejtuesve të këtij sporti në vend. Klubet e Studentit, Tiranës, Elbasanit, Flamurtarit, Teutës dhe Forcave të Armatosura kanë sjellë në poligon 48 qitës, të cilët kanë konkurruar në katër ndërresa.

Kampionati Kombëtar i të rriturve është zhvilluar nën masat e rrepta të anti-Covid 19, ndërsa çdo qitësi i është matur temperatura përpara se të hynte në Poligon. Ndërkohë në 20 maj, Shqipëria do të jetë pjesëmarrëse në Kampionatin Europian të Zagrebit.

Për të patur të ardhme dhe për të rizgjuar këtë disiplinë sportive në vend, Federata Shqiptare e Qitjes po kërkon ringritjen e ekipeve të të rinjve.

Në këtë mënyrë qitja shqiptare ka arritur në numrin katër të aktiviteteve kombëtare, ndërsa kalendari i veprimtarive zbatohet me përpikmërinë më të madhe.