Të ardhurat në Ligën e Kampioneve jane diçka për të cilat flasin të gjithë klubet e përfshira, por shumat aktuale nuk dihen shumë kohë pas përfundimit të sezonit, aq sa shperndarja e saktë e edicionit të fundit, atyre të fituar nga Reali në Paris. Zakonisht nuk shpallet deri në maj të vitit pasardhës, megjithëse ndonjëherë përkon me kongresin e UEFA-s, që në këtë rast është në prill.
Ajo që duket e qartë, është se Real Madrid mund të thyejë të gjitha rekordet e të ardhurave të Ligës së Kampioneve këtë sezon dhe të arrijë në 140 milionë euro nëse fiton garën. Kjo për shkak se formula e tregut do të thotë që një pjesë e të ardhurave të Ligës së Kampioneve shpërndahet midis të gjitha klubeve nga i njëjti vend, por Real Madrid është e vetmja skuadër spanjolle që ka kaluar fazën e grupeve.
Sa herë që një klub nga një federatë e përfaqësuar nga një ose më shumë klube në fazën e grupeve të Ligës së Kampioneve eliminohet në ndonjë nga raundet kualifikuese, 10 % e pjesës së tregut të asaj federate do t’i zbritet dhe do t’i ndahet klubit të eliminuar. Shumat e ndryshme që shpërndahen nga grupi i tregut në baza klub pas klubi mund të llogariten vetëm pasi të jenë finalizuar të gjitha kontratat dhe jo para përfundimit të garës, pasi shuma e saktë për çdo klub varet nga këta faktorë të tjerë.
Deri më tani, Real Madrid ka fituar 47.9 milionë euro për sukseset sportive të arritura dhe, mbi të, duhet të fitojnë me koeficientin përkatës të UEFA-s sipas asaj që është bërë në dekaden e fundit. Sa më i lartë koeficienti, aq më shumë pikë. Dhe çdo pikë, me një maksimum prej 32, i jep çdo klubi 1.1 milionë euro.
