Real Madrid prodhoi një nga paraqitjet e tyre më të mira të sezonit në një fitore aq të nevojshme, 4-1 ndaj Alaves, duke lehtësuar presionin ndaj Zinedine Zidane pas humbjeve të mëparshme.
Trajneri francez u detyrua të shikonte ndeshjen nga shtëpia pasi doli pozitiv me Covid-19 të shtunën, që do të thotë se ndihmësi David Bettoni drejtoi kampionët spanjollë në udhëtimin e tyre në Mendizorroza.
Madrilenët nuk e ndjenë mungesën e trajnerit të tyre të parë, dominuan që nga fillimi, me Casemiro që hapi rezultatin pas vetëm 15 minutash, duke u drejtuar në pjesën e pasme të rrjetës topin e ardhur nga një goditje këndi e Toni Kroos.
Benzema bëri që tabela elektronike të shënojë 2-0, pas një veprimi të bukur të Eden Hazard. Më pas ishte belgu që arriti të gjejë rrugën e rrjetës pas një asistimi të Toni Kroos nga thellësia.
Alaves i dha vetes një vijë shpëtimi kur po mbushej një orë lojë, me një gol të Joselu, por një gol i dytë i Benzema pa Real Madrid të rikthehej kundër klubit që festonte 100 vjetorin e lindjes.
Rezultati lehtëson disa nga presionet trajnerin Zidane i cili kishte parë ekipin e tij duke pësuar humbje ndaj Athletic Club në Superkupën e Spanjës dhe përballë Alcoyano në Kupën e Mbretit.