Barcelona B e nisi me një fitore 2-1 në shtëpi kundër Alcoyano fazën e dytë në Segunda B. Katalanasit janë në garë për tu ngjitur një kategori më lartë. një pjesë e rëndësishme e sukseseve të deritanishme është dhe Rei Manaj. Sulmuesi kuqezi ka shënuar 9 gola në 16 ndeshje, një tregues mbresëlënës, por i pamjaftueshëm për të patur mundësi me ekipin e parë.
Ronald Koeman, i cili kishte mundësinë të shihte nga afër sulmuesin në Estadi Johan Cruyff, nuk i ka besuar atij, pavarësisht rekordeve me Barça B, prandaj nuk është e zakonshme ta shikojmë në stërvitje ose në grumbullim me ekipin e parë. Por Rey Manaj nuk është dorëzuar dhe po tregon përmes golave se është futbollisti më i rëndësishëm në ekip.
Përveç kësaj, si një kuriozitet, diçka duhet të ketë në mënyrëne tij të lojës, që Messi disa muaj më parë të thoshte në Argjentinë se ai ishte në mesin e tre talenteve më të mira të La Masía: "Më pëlqen Rey Manaj, ai ka një teknikë të përsosur për një numër nëntë". Padyshim, të jesh 24 vjeç nuk e ndihmon, sepse nëse debuton me ekipin e parë, automatikisht do të kishte të njëjtat mundësi me ‘të moshuarit’.
Sulmuesi kuqezi, pavarësisht situatës në të cilën ndodhet në lidhje me skuadrën e parë, vazhdon përpjekjet për të treguar vlerat dhe dëshiron të hakmerret për mungesë e mundësive. Synimi i tij nuk është asgjë tjetër, përveçse të ndihmojë Barça B të kalojë në Segunda dhe të vazhdojë të hedhë hapa në karrierën.
Rey Manaj dikur ishte një nga premtimet e mëdha të Interit, një klub të cilit ai i përkiste për pesë vite, por në vitet e fundit ka provuar mundësinë në Spanjë. Puna e tij e mirë me Albacete I dha mundësinë të bashkohej në radhët e Barcelonës, që pagoi pothuajse tre milion euro. Por as edhe rekordet e tij të mira nuk e kanë lejuar të ketë mundësi me ekipin e parë, kështu që në verë është me një këmbë jashtë qytetit të Barcelonës.
Sulmuesi mund të dalë me një çmim të volitshëm kur të mbyllet ky sezon dhe disa skuadra të Kategorisë së Parë kanë trokitur tashmë në derën e tij. Ka gjithashtu interesim dhe në Itali e Gjermani, dhe ajo që duket e qartë është se shpërthimi dhe mesatarja e tij e shkëlqyer e golave e ftojnë lojtarin të përpiqet të vazhdojë rritjen dhe të konsolidohet jo në një skuadër të dytë, por në një ekip të parë të një kampionati të rëndësishëm.
