Aktiviteti frenetik i Tiago Pinto në “akomodimin” e lojtarëve të tepërt po çon në disa rezultate. Kluivert është shumë afër Nicës, ndërsa Olsen pritet të jetë portieri i ri i Lille. Kjo duhet të çojë në një marrëdhënie të re me Arsenalin për çështjen Xhaka, i cili mund të zyrtarizohet te Roma në ditët e ardhshme. E ardhmja e Justin Kluivert mund të vazhdojë në Ligue 1, te Nice e stërvitur nga Galtier, i cili fitoi kampionatin e fundit me Lille. Është vetë trajneri që kërkon me ngulm të bindë anësorin holandez.
Kluivert sapo është kthyer nga një sezon me Leipzig dhe Nice e Roma janë afër një marrëveshje. Anësori holandez ka dhënë disponueshmërinë e tij, operacioni mund të përfundojë në ditët e ardhshme.
Pas disa javësh bllokimi, me këto dy dalje të mundshme, Tiago Pinto do të përpiqet të mbyllë marrëveshjen me Arsenalin për Granit Xhakën. Mesfushori zviceran, me pushime këto ditë, është i etur të bashkohet me Mourinho. Roma i është afruar kërkesës fillestare të Arsenalit, e cila ishte 20 milionë. Oferta e fundit nga klubi verdhekuq është 15 milionë euro, plus 2.5 bonuse të arritshme lehtësisht.
Tiago Pinto shpreson të jetë në gjendje të afrojë Xhakën në ekip për pjesën e dytë të grumbullimit në Portugali, por zvicerani gjithashtu mund të anullojë pushimet e tij dhe të mbërrijë në fillim të gushtit, si Florenzi dhe Cristante. Mesfushori zviceran ka arritur një marrëveshje me Romën prej disa kohësh: do të ketë një kontratë katër-vjeçare me vlerë 2.5 milion euro në sezon plus bonuse.