Është përcaktuar zyrtarisht data e fillimit të sezonit të ri të kampionatit italian. Do të jetë një kampionat 'anormal', organizimi i të cilit padyshim do të ndikohet nga ndërprerja e Kupës së Botës që do të zhvillohet në Katar midis nëntorit dhe dhjetorit. Seria A pritet të fillojë fundjavën e së shtunës 13 dhe të dielën e 14 gushtit.
Dy ditë në të cilat do të zhvillohet java e parë nga 38 javët e kampionatit. Kampionati i ardhshëm i Serisë A përfshin tre ndalesa. E para u caktua për fundjavën 24-25 shtator 2022 pas javës së 7-të të për t'i lënë vend angazhimeve të përfaqësueseve në Ligën e Kombeve.
Ndalesa e dytë, si dhe më e gjata, është ajo që përkon me fillimin e Kampionatit Botëror në Katar, aktivitet që do të zhvillohet nga data 21 nëntor deri më 18 dhjetor. Për rrjedhojë, kampionati do të ketë një periudhë shumë të gjatë ndërprerjeje, e cila do të zgjasë nga data 13 nëntor deri më 4 janar.
Pra do të jenë 54 ditë pushim. Më në fund, do të ketë edhe një ndalesë të tretë në fundjavën 25-26 mars, sërish për t'i dhënë hapësirë ndeshjeve të përfaqësueseve.
24 qershor në orën 12:00 do të hidhet shorti për kalendarin e 38 javëve të kampionatit italian, të cilat do të jenë sërish asimetrike.
