Lajmi ka ka ardhur si një rrufe në qiell të pastër, madje edhe vetë skuadra “Alpine” e mësoi vetëm se Fernando Alonso i ishte bashkuar rivalëve “Aston Martin” në një deklaratë për shtyp të këtyre të fundit. Ka qenë Drejtori i ekipit francez, Otmar Szafnauer, ka zbuluar se ai mësoi se Fernando Alonso kishte nënshkruar për t'u bashkuar me rivalin e Formula 1 kur lexoi deklaratën zyrtare për shtyp. Szafnauer besonte se skuadra e tij, me bazë në Enstoun, kishte qenë në prag të nënshkrimit me Alonson të një kontrate të re, pasi palët ishin afër fundit të negociatave përpara pushimit të verës.
Por pavarësisht se u informua nga Alonso natën e së dielës së Çmimit të Madh të Hungarisë se gjithçka dukej se do të zgjidhej nga avokatët, Szafnauer tha se ishte i tronditur kur lexoi njoftimin e Aston Martin të hënën. “Ishte konfirmimi i parë që kisha,” tha ai, kur u pyet nga mediat se si zbuloi se Alonso kishte bërë një marrëveshje me “Aston Martin”-in. “Natyrisht, kur jemi në gara, ka të gjitha llojet e thashethemeve, dhe unë kisha dëgjuar thashetheme se Aston ishte i interesuar, - pohoi ai. - Por konfirmimi i parë që pata ishte njoftimi për shtyp. Unë ia bëra pyetjen Alonsos e ai m’u përgjigj: “Jo, jo, nuk kam nënshkruar asgjë.”
Kështu që u befasova pak.” I pyetur më tej nëse ai kishte folur me Alonson që kur u bë njoftimi, Szafnauer tha: “Nuk kam folur me të, pasi ai është në një varkë, mendoj se diku në ishujt grekë. Këtë mëngjes erdha për t'iu drejtuar stafit këtu në Enstoun. Dhe gjëja e dytë që po bëj është të flas me ju. Ndërsa dje, bëra një sërë telefonatash nga pilotë të tjerë të mundshëm.”
Szafnauer tha se Alpine dhe Alonso kishin rënë dakord për një zgjatje të kontratës 1+1, e cila do t'i garantonte spanjollit një vend për vitin 2023 me një opsion më pas për 2024 dhe më tej. Kuptohet se një nga elementët që ishte qendror në mendimet e ardhshme të Alonso ishte qëndrimi në F1 për aq kohë sa të ishte e mundur, pasi ai mendonte se vetëm një angazhim i vetëm një viti nuk ishte i mjaftueshëm. Alonso do të zëvendësojë kështu Sebastian Fetelin, i cili deklaroi javën e shkuar se do të tërhiqet në fund të këtij sezoni.
