Spanja është treguar cinike, ndërsa me nga një gol në çdo pjesë loje ka arritur të dalë fituese në “Fadil Vokrri” të Prishtinës ndaj Kosovës vendëse. E kishin vlerësuar maksimalisht ndeshjen kosovarët, por përvoja e iberikëve bëri të veten, ndërsa tanimë kryesojnë grupin B me 13 pikë. Në pjesën e parë spanjollët kanë kaluar në avantazh me anë të Pablo Fornals në të 32’, i cili ka shfrytëzuar maksimalisht një pasim të saktë të Moratës.
Herë me Rashanin e herë me Murriqin kosovarët janë munduar të rrezikojnë në portën spanjolle. Madje të besuarit e Henrikes mundohen të ulin ritmin e lojës me zëvendësimet, ndërsa në fundin e lojës kanë gjetur dhe golin e dytë, këtë herë me Torres, teksa goli është konfirmuar nga sistemi VAR. 2-0 dhe Spanja, edhe duke përfituar nga humbja e Suedisë në Greqi, 1-2, forcon kreun e grupit duke u shkëputur katër pikë nga nordikët. Kurse Kosova mbetet në kuotën e 4 pikëve.
