Briken Calja ka sqaruar të gjithë opinionin publik për mospjesëmarrjen e tij në kampionatin kombëtar, që të premten e kaluar është zhvilluar në Durrës. Në një postim në rrjetet sociale, Calja ka shpjeguar arsyen e mungesës së garimit në Kampionatin Kombëtar.
“Mospjesëmarrja ime disa ditë me pare lidhet me një situatë shëndetësore jo favorizuese me të cilën u përballa nga e cila u shkaktua dhe kjo mungese. Në lidhje me Kampionatin Europian të prillit doja të theksoja se jam në një formë shumë të mirë. Stërvitja po shkon shkëlqyeshëm dhe të gjitha vështirësitë shëndetësore janë superuar. Do të shkojmë si përherë me kokën lart për të zhvilluar nëe kampionat spektakolar nga ku kam pritshmëri të larta për medalje”, thotë Calja, i cili ka falënderuar familjen, trajnerët e tij dhe klubin shumësportësh Tirana për mbështetjen.
“Shihemi në garat e ardhshme”, ka përfunduar Briken Calja.
