Qielli gri, termometër që nuk shkon nën 23 gradë dhe mot i çmendur i zjarrtë. Kështu Stambolli i tha mirmëngjes Interit dhe Manchester Cityt të cilët do të stërviten në stadiumin Ataturk pasdite. Sheshi i madh, I rrethuar nga bazilika e Shën Sofisë dhe Xhamia Blu, ka nisur të mbushet me zikaltër (italianë, por ka edhe një grup kinezësh) dhe tifozë anglezë.
Qyteti dhe turistët po qëndrojnë në anën e zikaltër. "Unë jam një tifoz i Milanit, por nesër mbrëma mbështes Interin”, shpjegon Ali, një shofer taksie që ka ende kujtime të gjalla të humbjes së kuqezinjve në Stamboll në 2005. "Interi që luan me zemër duhet të fitojë, jo City i të pasurve". Të gjithë janë të zemëruar me Mansour-in e gjorë, madje edhe një grup gjermanësh që veshin me krenari fanellën e Bayern-it: “Na thërrasin grupi i finales, çdo vit ne fluturojmë në qytetin ku luhet finalja e Champions League për të mbështetur Bayernin, edhe nëse Bayerni nuk është aty. Ne do të bëjmë tifo për Interin, City nuk duhet të fitojë me gjithë paratë e tyre”. Dhe as Pep, ish-trajneri i bavarezëve.
