Një bombë polemikash kërcënon të mbingarkojë Australian Open 2021. Grand Slam i parë i sezonit, i planifikuar nga 8 deri më 21 shkurt në ambjentet e Melbourne Park, ende nuk ka filluar zyrtarisht, por tashmë po bën tituj për shkak të të rregullave drastike anti-covid, në të cilat po kalojnë të gjithë atletët që do të marrin pjesë.
72 lojtarë të “burgosur” në një hotel në Melburn (mes tyre Victoria Azarenka, Sloane Stephens, Belinda Bencic, Bianca Andreescu dhe Angelique Kerber dhe Kei Nishikori), me ushqim jo vërtet të përshtatshëm për trupin e një atleti (por duket se në orët e fundit të paktën ky problem është zgjidhur) dhe pa mundësinë e largimit nga dhoma dhe rrjedhimisht, pamundësi për tu stërvitur. Nëse llogaritni edhe anëtarët e stafit, numri i njerëzve në izolim të detyruar tejkalon kufirin 100. Për të përkeqësuar situatën, rastet pozitive të gjetura pas tamponëve të kryer mbi subjektet zbarkuan në Melburn nga fluturimet charter me qira për të sjellë protagonistët e Slamit të parë sezonal në Australi. Në fakt, pozitivet janë rritur në nëntë pas kontrolleve të para. Njëri prej tyre është një lojtar, identiteti i të cilit nuk është zbuluar ende.
Edhe letra e dërguar nga Novak Djokovic për autoritetet e Shtetit të Victoria për të "lehtësuar" situatën e lojtarëve në izolim në Melburn nuk bëri asgjë. "Nuk do të ketë trajtim të veçantë - deklaroi Kryeministri i Shtetit Victoria, Daniel Andreës - secili prej tyre ishte i vetëdijshëm për rreziqet e mundshme. Lojtarët mund të bëjnë aq kërkesa sa të duan, por rregullat mbeten ato që janë vendosur". Në letër, serbi kërkoi trajtim të barabartë me lojtarët e pranishëm në të ashtuquajturën "flluskë VIP" në Adelaide. Flluskë e cila përfshin rreth 50 atletë, mes tyre, Nadal, Thiem, Halep, Osaka dhe Serena Williams. Këtyre atletëve u lejohet 130 minuta stërvitje në fushë dhe 90 minuta në palestër. Sidoqoftë, atyre iu kërkua të mos postonin fotografi në mediat sociale në mënyrë që të mos nxisnin polemikat mbi favorizimin e pretenduar.
