Shtetet e Bashkuara të Amerikës nuk kanë bërë përjashtimin e kërkuar nga Novak Djokoviç, i cili si i pa vaksinuar nuk mund të vizitojë vendin fjalë. Për këtë arsye tenisti serb ka hequr dorë nga turneu “Masters 1000” të “Indian Wells”.
Novak Djokoviç ende nuk është vaksinuar kundër Covid-19 dhe turneu kalifornian, i cili nis aktivitetin pas dy ditësh, zyrtarizoi sot në mëngjes mungesën e tenistit serb nërpërmjet një postimi në “Instagram”.
Numri një në Botë do të zëvendësohet prej tenistit gjeorgjan Nikoloz Basilashvili. Djokoviç javët e kaluara u kërkoi një leje të veçantë autoriteteve amerikane, por këto të fundit ia mohuan. Tani për 22 herë fituesin e Grand Slam-eve është e sigurt mungesa edhe në turneun tjetër të “Masters 1000” që nis në Majemi më 19 mars.
