Nuk ka më dyshime, Edi Martini do të jetë trajneri i ri i Teutës, i cili do të zëvëndësojë të larguarin Bledi Shkëmbi. Trajneri shkodran është një emër më shumë se i njohur për pankinën durrsake, ky është një rikthim për herë të katërt. Klubi bregdetar ka njoftuar gjatë mëngjesit të sotëm dhe arritjen e marrëveshjes mes palëve, ndërkohë që do të nisë menjëherë nga puna.
Njoftimi i klubit:
WELCOME EDI MARTINI!
Sot në ambientin e stadiumit "Niko Dovana" KF Teuta ka arritur marrëveshje me trajnerin Edi Martini. KF Teuta i dëshiron mirëseardhje trajnerit të ri në skuadër, duke i dëshiruar suksese dhe arritjen e qëllimeve të vendosura së bashku me skuadrën tonë. #forcateuta🔵🔵
