Tirana dhe Besëlidhja do të luajnë sot aktin e katërt të finaleve, të cilat do të vendosin se cila prej skuadrave do të kurorëzohet si kampione e Shqipërisë në basketboll për meshkuj.
Gjithçka nis në orën 19:00 në parkun olimpik “Feti Borova” dhe do të transmetohet drejtëpërdrejt në rrjetin e Radio Televizionit Shqiptar.
Bardheblutë e kryeqytetit shkojnë në këtë duel me moral të lartë pasi fituan ndeshjen e tretë duke ngushtuar kështu avantazhin e Besëlidhjes në 2-1. Në rast të një tjetër fitoreje ekipi vendas do të bënte që seria të ndahej në ndeshjen e pestë.
