Tirana zhgënjen në javën e dytë të Superiores pasi u ndal në një ndeshje të lehtë në letër ndaj debutuesve të Egnatias ku fjalën kryesore e thanë polemikat në lidhje me vendimet dhe mos vendimet e diskutueshme që lidhen drejtëpërdrjtë me sistemin VAR. Gjyqtari Laver Alla u konsultua, vendosi metër të barabartë gjykimi në dy raste të dyshimta, ndërsa bardheblutë largohen me kokën pas nga sfida e javës së dytë kundër debutuesve të Egnatias, që fituan pikën e parë të sezonit. Skuadra e ish-trajnerit bardheblu, Gugash Magani barazoi 1-1 në “Selman Stermasi” pasi arriti tu rezistonte vendasve që shënuan golin e parë të sfidës me Seferin pas një pjese të parë shumë të vuajtur.
Dominim bardheblu që në frymën e pare, por raste të vakëta dhe pak shkëndija interesante, ndërsa ndryshe nga 90 minutëshi i pare, rrogozhinasit ngritën një mur të lartë e të fortë për t’u bërë ballë sulmeve të vendasve. Seferi, me diferencë të dukshme nga shokët e tij të skuadrës, tentoi marshin e diferencës me kundërshrarët dhe lojtari i Kombëtares u shpërblye pak pas rikthimit të skuadrave në fushën e lojës. Lojtari i lindur në Kumanovë surprizoi Pujën me një super realizim nga distanca.
Gol i rëndësishëm por jo vendimtar për fatet e ndeshjes pasi Tirana e pësoi nga një tjetër gol spektakolar, këtë herë i gatuar në këmbët e një tjetër lojtari të lindur në Maqedoninë e Veriut, Demir Imeri, i cili shtangu Bekajn me një të djathtë të cilën portieri nuk do të mund ta parandalonte dhe parashikonte në asnjë rrethanë. Por nëse deri në këtë moment fjalën krysore e tha futbolli, polemikat i ngjitën në skenë. Xhixha protagonist dhe Seferi finalizuas në një aksion ku ish sulmuesi i Laçit u konsiderua në pozicion pasiv jashtë loje nga kryesorei Laver Alla pas rreth 7 minutave bllokim.
Një vendim që mund të ngjallë shumë polemika ndërsa Tirana nuk u kushtëzua dhe vazhdoi ofensivën drejt portës mike por sërish në minutën e 6 shtesë një tjetër episode shumë i dyshimtë shkaktoi zemërim në pankinën bardheblu. Ngo’o në nëj kontakt me mbrojtësin Krivanjeva u rrëzua në zonë por në këtë rast nuk ishin premisat për t’u konsultuar me VAR-in edhe pse rishikimi i këtij momenti mund të kishte hedhur më shumë dritë. Tirana ngjitet në vendin e parë të klasifikimit bashkë me Teutën dhe Vllazninë në kuotën e 4 pikëve, ndërsa Egnatia kthehet në shtëpi me një pikë të artë.
