Wembley me të paktën 60,000 tifozë në tribuna, UEFA ka vendosur: ka një marrëveshje me qeverinë angleze për të rritur kapacitetin e stadiumit për gjysmëfinalet dhe finalen e Kampionateve Europiane. Kjo u njoftua nga vetë qeveria e MB, duke i dhënë dritën jeshile zgjerimit deri në 75% të audiencës për tre ndeshjet e fundit të turneut.
Kujtojmë që për tre ndeshjet e luajtura në fazën e grupeve, kapaciteti në Wembley ishte i kufizuar në 25%. Presidenti i UEFA-s, Aleksander Ceferin, tha se, “jemi mirënjohës ndaj kryeministrit dhe qeverisë britanike për punën e palodhur që kanë bërë në mënyrë që të përfundojnë këto marrëveshje”. Sidoqoftë, detajet se si do të zbatohet karantina për tifozët nga jashtë nuk janë dhënë ende.
Ministri i Kulturës dhe Sporteve i Qeverisë së Boris Johnson, Oliver Dowden shkroi në Twitter: "Ne jemi të kënaqur kur njoftojmë se më shumë tifozë do të jenë në gjendje të kalojnë nëpër koridoret e Ëembley për të shijuar finalet e Euro 2020. Ndërsa si qeveri ne vazhdojmë me planin tonë drejt daljes nga bllokimi, ne duam që siguria publike të mbetet përparësia jonë kryesore", specifikoi Dowden, duke pretenduar se qeveria britanike "ka punuar shumë ngushtë me UEFA dhe FA për të siguruar masa rigoroze dhe të rrepta të tilla që të lejojnë më shumë mbështetës të shikojnë live spektaklin". Ministri përfundoi duke thënë se "finalet vijnë si një moment i paharrueshëm në rrugën drejt rimëkëmbjes sonë kombëtare nga pandemia".
