Për më shumë se dy dekada, Valentino Rossi ka garuar në klasën kryesore të motoçiklizmit botëror. 21 vjet në MotoGP ku italiani e ka matur veten kundër më të mirëve të çdo brezi për të krijuar atë që sot është një legjendë. Lista e rivalëve që kanë vuajtur, disa më shumë se të tjerët, në '46' në pistë është e panumërt. Me rastin e lamtumirës së tij, Vale ka folur për 175 pilotët me të cilët ai ka garuar në 500cc dhe MotoGP. Në rend kronologjik, Valentino rishikoi rivalët që e shoqëruan në hapat e tij të parë në kategorinë e madhe, dhe atje ai takon emra të tillë si John McGuinness, Alex Barros, Colin Edwards ose Anthony Gobert.
"Nga Barros mësova të frenoja dhe të hyja në kthesë sepse isha shumë i shpejtë. Me John jam gjithmonë në kontakt. Me Colin dhe Anthony kam shijuar shumë brenda dhe jashtë pistës" – ka thënë Rossi. Më vonë, tashmë në MotoGP, Doktori pranon se nga talenti i pilotëve të tillë si Stoner apo Lorenzo ka vuajtur shumë: "Nëse flasim për talentin, Kejsi ishte i pakapërcyeshëm. Jorge ishte gjithashtu i pamposhtur, nuk meritoja një partner si ai te Yamaha".
Ndërsa emocionohet kur shfaqet emri i Simoncellit: "Ishte një fatkeqësi e vërtetë, madje edhe mënyra në të cilën ndodhi gjithçka ... një turp i vërtetë". Në fund ai flet për numrin '93'. Lidhur me rivalitetin e tij me Márquez, Valentino siguron se "ai është një rival i madh dhe një nga më të mirët", por pranon se nuk ndihet "shumë mirë me të në pistë": "Ai është i vështirë të mposhtet".
I pyetur nëse një ditë do të nënshkruajë paqen me pilotin spanjoll tha: "Sa kohë do të më duhet që të shkoj mirë me Markezin? Mendoj 20 ose 30 vjet ...".