Vllaznia në basketboll për meshkuj, përtej vështirësive, ia ka dalë të kualifikohet për në raundin gjysmëfinal të Kupës së Shqipërisë. Ballafaqimi i kuqebluve me Partizanin, që u zhvillua këtë fundjavë në Pallatin e Sportit “Qazim Dervishi” të Shkodrës, është pritur me shumë interes nga tifozët kuqeblu. Me një formacion të ripërtërirë, teksa basketbollistët amerikanë nuk janë më pjesë e kuqebluve, Vllaznia e trajnerit të komanduar Bledar Gjeçaj ia doli të ishte fitues 74-66.
Ishte Partizani që e nisi më mirë ndeshjen, teksa fitoi periodën e parë me rezultat bindës 26-15. Madje dominon edhe të dytën, teksa fikson shifrat 19-18 dhe në pushim ka kryesyar 45-33. Por gjithçka u përmbys nga skuadra kuqeblu, e cila duke fituar periodën e tretë 31-16 kthen rezultatin në 64-61. E fundit 10-5 dhe përfundimisht 74-66 për Vllazninë.
