Vllaznia godet përsëri në merkato. Së fundmi kuqeblutë kanë prezantuar mesfushorin me tipare sulmuese Kristijan Vulaj. Një kontratë 3-vjeçare për futbollistin e lindur në Tuz të Malit të Zi dhe që është aktivizuar në kampionatin vendas me Decic dhe Petrovac. 24-vjeçari periudhën më të artë të karrierës së tij e kishte në radhët e Decic, ku arriti të fitojë dhe një vend në radhët e përfaqësueses malazeze.
Njoftimi i klubit:
KF Vllaznia ka kënaqësinë të njoftojnë akordin me futbollisin Kristijan Vulaj. Mesfushori me tipare sulmuese ka firmosur për tre vitet e ardhshme me klubin tonë. Vulaj ka lindur në Tuz të Malit të Zi dhe përveçse me Deçiq, ka luajtur edhe me ekipin e Petrovac në superligën malazeze. Megjithatë kulmin e karrierës e ka me Deçiq, me të cilin arriti të kapë edhe kombëtarën e vendit fqinj.
KF Vllaznia i uron 24 vjeçarit një paraqitje sa më të mirë me fanellën kuq e blu!
Mirë se erdhe Kristijan Vulaj!