Vllaznia ka arritur të bëjë goditjen e madhe në këtë merkato vere: 2 vite kontratë me futbollistin e njohur, Liridon Latifi. Proçedurat e zakonshme janë kryer tashmë dhe futbollisti do të vihet menjëherë në dispozicion të stafit teknik.
Ish-futbollisti i Skënderbeut, rikthehet në Superlinë shqiptare pas përvojës më të fundit në Hungari. Njoftimin për arritjen e marrëveshjes e ka bërë të ditur vetë klubi kuqeblu nëpërmjet një njoftimi në rrjetet sociale.
Njoftimi i klubit:
ZYRTARE: LIRIDON LATIFI FIRMOS PËR VLLAZNINË
KF Vllaznia bën të ditur se pasditen e sotme ka arritur marrëveshjen me futbollistin Liridon Latifi. Me këtë futbollist është firmosur një kontratë dyvjeçare dhe shpresojmë që ai të tregojë vlerat e tij më të mira ashtu siç ka bërë edhe në skuadrat e tjera me të cilat ka luajtur më përpara.
Mirë se erdhe te Vllaznia Liridon!
