Novak Xhokoviç ka mbërritur në Australi, por ka probleme me vizën. Numri 1 në botë është bllokuar, duke pritur për të kuptuar se çfarë do të ndodhë në orët e ardhshme. Një tjetër kapitull në një histori që vazhdon të zhvillohet gjatë gjithë ditës, me zgjidhjen ende të vështirë për t'u parashikuar.
Serbi u ul në Tullamarine - aeroporti ndërkombëtar i Melburnit - në orën 23:30 me orën lokale, 13:30 me orën tonë. Por një natë e gjatë e pret: nga kufiri ata kontaktuan qeverinë e shtetit të Viktorias për shkak të një vize të gabuar të paraqitur nga ekipi i lojtarit. Tëeet-i i publikuar nga Jaala Pulford, ministre e përkohshme e sportit të shtetit të Viktorias, i përket atyre minutave:
“Qeveria federale ka pyetur nëse do të mbështesim aplikimin për vizë të Novak Xhokovic për të hyrë në Australi. Ne nuk do t'i ofrojmë mbështetje individuale për aplikimin për vizë për të marrë pjesë në Australian Open 2022. Ne kemi qenë gjithmonë të qartë në dy pika: Miratimi i vizave është çështje e qeverisë federale dhe përjashtimet mjekësore janë çështje e mjekëve".
Të njëjtat autoritete viktoriane - siç deklaroi ministrja - kanë refuzuar për këtë arsye të mbështesin vizën e tenistit. Sipas gazetës australiane The Age, numri 1 në botë u mor në pyetje nga zyrtarët e Forcave Kufitare Australiane në një dhomë aeroporti deri të paktën në orën 1:15 të mëngjesit me orën lokale.
Dhe pikëpyetjet kishin të bënin me dokumentacionin për të aplikuar për përjashtimin e veçantë, i cili nuk nuk është adekuat: është e paqartë nëse një infeksion COVID-19 në gjashtë muajt e fundit - që dyshohet të jetë një justifikim për përjashtimin e lojtarit nga rregulli - është i mjaftueshëm për të siguruar hyrjen në Australi sipas udhëzimeve federale.
