RTSH Sport Live

Zelimkan Abakarov “trondit” Beogradin

  • 16/09/2022
  • |
  • Sporte të tjera
Zelimkan Abakarov “trondit” Beogradin
Eleminon në gjysmëfinale serbin Miçiç dhe të shtunën kërkon medaljen ndaj amerikanit Gilman

Zelimkan Abakarov, mundësi i peshës deri në 57 kilogram në stilin e lirë, tanimë është vetëm një hap larg medaljes në Kampionatin Botëror të të rriturve, që është duke u zhvilluar në Beograd. Në gjysmëfinale, Abakarov shkroi historinë në Beograd, teksa mund serbin Stevan Miçiç, i cili është medalist olimpik. Më parë Abakarov në raundin e parë dhe të dytë kishte mundur kolumbianin Oskar Eduardo Tigreros Urbano, 10-0, si dhe kubanezin Reineri Ortega, kurse në raundin çerekfinal triumfoi ndaj uzbekut Gulomjon Abdulaev.

Finalja do të zhvillohet të shtunën në ora 18:00, ndërsa Abakarov do të ketë përballë amerikanin Tomas Gilman. Kështu Abakarov, që në Lojërat Mesdhetare në Oran ishte i artë, ndërsa Lojërat e Solidaritetit Islamik i Argjendtë, tanimë është i sigurtë për medaljen në Botërorin e Beogradit. Në këtë aktivitet do të konkurrojë dhe Islam Dudaev, kurse Shqipëria përsërit sukseset e saj të kahershme teksa sillte medalje me Elis Gurin dhe Sahit Prizrenin, ky i fundit sot në rolin e presidentit të Federatës Shqiptare të Mundjes.