Fitorja e Jannik Sinner ndaj Novak Gjokoviçit në “Australian Open” do të mbetet në histori për një seri shumë të gjatë arsyesh. Së pari, 22-vjeçari nga Sesto Pusteria është italiani i parë që arrin në finale në Melburn, por jo vetëm kaq: është akti i parë final i një Slami në karrierën e tij të re, por tashmë të suksesshme. 6-1, 6-2, 6(6)-7, 6-3 me serbin që i duhet të ndërpresë një sërë suksesesh që kishin zgjatur për të në këtë turne për 33 ndeshje dhe që nga viti 2018, e për më tepër nuk ishte mundur kurrë në gjysmëfinale apo finale. Vetëm këto shifra mjaftojnë për ta bërë të qartë suksesin e italianit që arrin të mundë numrin një në botë. Janik Sinner bën të ëndërrojë të gjithë Italinë. Në finale ai do të përballet me fituesin e çiftit Medvedev-Zverev, që u zhvillua më vonë dhe që u fitua nga tenisti rus me një përmbysje të pabesueshme. Ishte Zverev që i fitoi dy setet e para, 7-5 dhe 6-3, duke krijuar idenë e një fitoreje të lehtë. Por Medvedev ka reaguar në një set të 3-të vendimtar, të fituar me “tajbrejk” 7-6, ashtu sikundër bëri edhe në setin e 4-t, duke barazuar kështu gjendjen e seteve në 2-2. Me ritmin e lojës që tashmë ishte kthyer në favor të tij, tenisti rus vijoi ta fitonte edhe setin e 5-të dhe të fundit, 6-3, dhe gjithë ndeshjen me shifrat 3-2 dhe duke siguruar vendin në finalen e madhe të së dielës, që do të ulë edhe siparin e “Australian Open” për këtë vit.
“Australian Open” njeh finalistët
- 26/01/2024
- |
- Evente Sportive
![“Australian Open” njeh finalistët](https://rtsh-sport.s3.eu-central-1.amazonaws.com/2024/01/e3be59ebeb964e3e8143db22e01814ac.jpg)
Lajmet e fundit
![Lojrat Olimpike Dimërore, Alpet franceze dhe Salt Lake Siti organizojnë edicionet e radhës](https://rtsh-sport.s3.eu-central-1.amazonaws.com/2024/07/a42ad4a7cd1d4edd8b0e39acc6bdcecf.jpg)
![Zëvendëspresidentja e Argjentinës i del në krah Fernandezit: Asnjë vend kolonizator s’na intimidon!](https://rtsh-sport.s3.eu-central-1.amazonaws.com/2024/07/d7864490ebb34f86a98b1c40b00c26b7.jpg)