Milani e përfundoi kampionatin duke mposhtur Veronën 3-1, por në fishkëllimën e fundit të gjithë sytë ishin te Zlatan Ibrahimovic. Sulmuesi suedez, i prekur tashmë para ndeshjes nga homazhi nga Curva Sud, i tha lamtumirë futbollit të luajtur nën duartrokitjet dhe koret e tifozëve të Milanit: "Ka ardhur koha për t'i thënë lamtumirë futbollit, por jo Milanit. Unë ju kam pritur krahëhapur dhe do të jem tifoz i Milanit për gjithë jetën”. Për Ibrën, 988 ndeshje dhe 573 gola në të gjitha garat profesioniste.
“Nuk mund të marr frymë, por jam mirë. Kam shumë kujtime dhe emocione brenda këtij stadiumi”.
“Herën e parë që erdha te Milani më dhatë lumturinë, herën e dytë më dhuruat dashuri. Falënderoj familjen time për durimin, pastaj familjen e dytë ose lojtarët dhe trajnerin me stafin. Faleminderit edhe drejtuesve për mundësinë që më kanë dhënë. Gjithashtu falënderoj nga zemra ju tifozët që më keni pritur krahëhapur. Do të jem tifoz i Milanit për gjithë jetën”.
