Thomas Tuchel pushtoi Chelsea në një kohë të shkurtër, duke arritur t’i bëjë tifozët të harrojnë një legjendë si Frank Lampard, shkarkimi i të cilit kishte befasuar dhe tronditur mjedisin e Blues. Megjithatë, tekniku gjerman e bëri veten të vlerësuar me rezultate të jashtëzakonshme, duke kapërcyer njëra pas tjetrës të gjitha pengesat që i dilnin në rrugën e tij dhe shumë kolegë të shquar.
Londinezët, me ish-menaxherin e PSG në krye, në pak më shumë se 100 ditë mundën Liverpool-in e Klopp (1-0 në Anfield), Tottenham të Mourinho (0-1 në Tottenham Hotspur Stadium), Everton Carlo Ancelotti (2-0 në shtëpi) , Atletico e Simeone (1-0 në Wanda Metropolitano, 2-1 në Stamford Bridge), Realin e Zidane (2-0 në Londër) dhe City e Guardiola (2 -1 sot në Etihad, 1-0 në Ëembley në Kupën e FA). Tuchel është i pamposhtur kundër europianëve dhe anglezëve të mëdhenj: humbjet e vetme që ka pësuar janë kundër Porto dhe WBA.
