Carlo Ancelotti, i ftuar në “Giffoni Film Festival” ka dhënë disa deklarata për sezonin e ardhshëm me Real Madridin, për Kylian Mbappé dhe për të ardhmen. Pikërisht për këtë çështje të fundit ai deklaroi: “Nuk e di se kur do të ndalem; kur Reali të jetë i lodhur nga unë, do të duhet të mendoj se çfarë të bëj. Unë jam ngurrues ndaj kombëtareve, preferoj çdo ditë punë".
Për marrëdhënien e tij me Real Madridin: "Real është familje. Bellingham ishte një surprizë, por meritat i shkojnë gjenetikës së tij. Kampioni është i tillë nga gjenetika, shton stërvitjet, por është gjenetika që e bën kampionin".
Për stolat e tij me më pak fat, Juventus dhe Napoli: “Ishin eksperienca, jo dështime”.
Për Kampionatin Evropian: "Spanja e meritonte fitoren, kishte më shumë talent. Ishte një kampionat evropian me pak intensitet, lojtarët më cilësorë erdhën të lodhur".
Për Mbappe: “Do ta vendos diku, do t’i gjejmë një vend...” tha ai me shaka.
