Mbrojtësi uruguajan Ronald Araujo ka vendosur të qëndrojë te Barcelona, pas bisedimeve me drejtorin sportiv Deco. Ai ishte lojtari i preferuar i Juventusit për merkaton e janarit, por tani italianët kthejnë sytë nga Da Silva i Benfikës dhe Hanko i Fejenordit.
Ronald Araujo ka vendosur të qëndrojë te Barcelona, i bindur pas një bisede të gjatë me drejtorin sportiv Deco. Portugezi e ka bindur lojtarin për rëndësinë e tij në projektin teknik të skuadrës dhe mbrojtësi tashmë është i hapur edhe për rinovim të kontratës që skadon më 30 qershor 2026. Deri në bisedën me Decon, uruguajani prirej për largim nga Barcelona drejt Juventusit, që ishte i gatshëm të paguante deri në 50 milion euro për ta marrë nga klubi katalanas.
Araujo ka qenë një nga shtyllat e mbrojtjes blaugrana, por dëmtimi i gjatë e la jashtë loje dhe e kaloi në plan të dytë, të paktën deri në finalen e Superkupës, fituar 5-2 kundër Real Madrid. Në finale, Araujo hyri në minutën e 28-të, për të zëvendësuar Inigo Martinez, dhe mori menjëherë shiritin e kapitenit nga Raphina, duke u prezantuar më pas edhe solid në lojën e tij.
Vendimi i uruguajanit për të qëndruar në Barcelonë ndryshojnë planet e Juventusit, që tani kthen sytë nga Antonio Silva i Benfikës dhe David Hancko i Feyenoordit.
Ndërkohë, në pritje të një alternative të mirë për mbrojtjen, Juventus është pranë mbylljes së marrëveshjes për Randal Kolo Muani për sulmin. Francezi do të bashkohet me bardhezinjtë i huazuar nga Paris SG, ku ka zhgënjyer pas një viti të mirë te Eintracht Frankfurt.
