Askush nuk është i sigurt, veçanërisht në një kohë kur klubi duhet të mendojë për programimin e së ardhmes. “La Gazzetta dello Sport” i kushton hapësirë të bollshme historisë së lidhur me Theo Hernandez dhe Mike Maignan, të dyve u skadon kontrata me Milanin në vitin 2026: Bayerni i Mynihut, duke marrë parasysh faktin se bisedimet e rinovimit janë ende të bllokuara, mund të hyjë në garë për francezët.
“Theo është kandidati i parë. Paga e tij prej 4.5 milionë në vit, në Bavari, sigurisht që mund të rritet, ashtu si edhe fitimet e Milanit nga shitja e tij: në Gjermani flitej për një ofertë të mundshme prej 60-70 milionë eurosh, ndërsa kuqezinjtë presin propozime më afër 100 milionëve. Është e mundur që Bayern të fillojë të bëjë kontakte me Milanin në muajin e ardhshëm”, shkruan gazeta prestigjioze italiane.
As ish-portieri i Lille nuk përjashtohet nga diskutimi duke qenë se klubi bavarez po kërkon një element të ri mes shtyllave: “Në të njëjtën mënyrë do të peshojnë perspektivat ekonomike që do të mund t’i garantojë marrëveshja e re: paga aktuale prej 3,2 milionë eurosh është larg nga Maignan aspiron. Dhe Bayerni do të ishte në gjendje të plotësonte të gjitha kërkesat e francezit menjëherë”.
