Trajneri i Barcelonës, Xavi foli pas ndeshjes kundër PSG-së të fituar me rezultatin 3-2, e vlefshme për ndeshjen e parë çerekfinale të Champions League. “Jam shumë krenar për ekipin tim. Mendoj se zëvendësuesit bënë shumë mirë. Ne studiuam gjithë javën, e dinim që anësorët duhej të jepnin më të mirën, por nuk ka mbaruar ende”.
Ku mund të shkojë Barcelona? - “Fitore e rëndësishme, ne vuajtëm shumë sepse PSG-ja bëri shumë presion. Synimi ynë është të arrijmë në gjysmëfinale dhe kemi një avantazh”.
Çfarë ju pëlqeu më shumë? - “I lumtur, sepse edhe të rinjtë kanë treguar se janë të pjekur. Suksesi vjen edhe nga Akademia”.
A duhet të keni durim me të rinjtë? - "Nëse një i ri ka cilësi, ai duhet të luajë, durimi nuk ka të bëjë me të”.
Për të ardhmen e tij? - “Ne po mendojmë për rikthimin dhe për të shkuar në gjysmëfinale”.