David Beckham ka bërë një zbulim të rëndësishëm për karrierën e tij futbollistike. Në vitin 2013, kur kontrata e tij me LA Galaxy do të përfundonte dhe për këtë arsye ai po largohej nga Shtetet e Bashkuara, ish-futbollisti i premtoi gruas së tij Victoria se pas daljes në pension zyrtar do të jetonin në Londër. Megjithatë, një telefonatë e minutës së fundit ndryshoi përgjithmonë fatin e çiftit dhe i theu zemrën ish-këngëtares së Spice Girls.
"Për herë të parë Victoria mund të zgjidhte se ku të lëvizte sepse unë isha gati të tërhiqesha, deri në atë moment familja më kishte ndjekur gjithmonë - tha David Beckham për The Sun - Ajo donte të kthehej në Londër, ku është shtëpia e saj e modes. Por papritmas ra telefoni: ishte presidenti i Paris Saint-Germain. Një ofertë që nuk mund ta refuzoja. Kur i thashë Viktorias ajo shpërtheu në lot".
“E dija që më ishte dhënë mundësia për të fituar një tjetër trofe, - shtoi Beckham, duke iu referuar Ligue 1 të fituar me PSG-në përpara se të tërhiqej më 16 maj 2013, në moshën 38-vjeçare - Victoria është një grua e jashtëzakonshme. Nuk mendoj se kam takuar ndonjëherë dikë që punon aq shumë sa ajo. Ajo është e zënë jo vetëm me familjen tonë, por edhe me biznesin e saj dhe ka arritur të jetë kaq e suksesshme ndër vite për shkak të punës së saj të palodhur”.
