Ndryshim programi për Napolin për ndeshjen miqësore të planifikuar për të dielën e 28 korrikut, në orën 20:00, në kampin stërvitor Castel di Sangro. Kundërshtari i skuadrës së Antonio Contes në fakt do të jetë Egnatia, klubi kampion në fuqi i Shqipërisë dhe jo Adana Demirspor, pas problemeve nga ana e klubit turk.
“Të gjithë ata që kanë blerë dhe që do të vazhdojnë të blejnë Napoli Summer Pass në OneFootball do të kenë automatikisht akses në ndeshjen miqësore Napoli-Egnatia. Ndryshimi i ndeshjes në platformë do të bëhet në ditët në vijim”, thuhet në shënimin e klubit.
