Sfidë emocionuese në “Elbasan Arena’ mes dy skuadrave kryesuese të Kategorisë së Parë, Bylist dhe Elbasanit, që në fund të një 90-minutëshi të luftuar kanë dhuruar një barazim 2-2. Në një stadium të mbushur si asnjëherë tjetër, në një ndeshje të prapambetur, ishin vendasit që kërkuan më shumë në pjesën e parë dhe u shpërblyen në minutën e 26-të me golin e Grecës, duke shkuar në pushim me avantazhin 1-0.
Megjithatë, në pjesën e dytë ballshiotët reaguan dhe arritën të përmbysin gjithçka brenda shtatë minutash me golat e Xheferson Xheferson 57’ dhe Kamara 64’. Por avantazhi i skuadrës që mban vendin e parë në klasifikim nuk zgjati shumë pasi Telushi vendosi barazpeshën në minutën e 71-të.
Minutat e mbetura ishin mjaft të luftuara, me elbasanasit që kërkuan më shumë për të shënuar, por gjithçka mbeti e mbërthyer në shifrat 2-2 dhe dy skuadrat ndanë nga një pikë mes tyre. Bylisi kryeson kampionatin pas 16 javësh me 39 pikë. Elbasani mban vendin e dytë me 36 pikë.
RENDITJA
