Igli Tare, gati për t'i dhënë lamtumirën Lacios? Situata është e paqartë, me kontratën që skadon në qershor. Për të sqaruar gjithçka do të duhet një takim me presidentin Claudio Lotito, por tashmë drejtori sportiv duket i orientuar drejt një lamtumire. Do të jetë e nevojshme të vendoset sa më shpejt që të jetë e mundur për të filluar planifikimin e ekipit për Ligën e Kampionëve. Kush do të vijë në vend të Tares: ka një profil në Formello dhe mban emrin e Angelo Fabiani, ish-drejtor sportiv i Salernitana-s dhe tani në krye të Primavera-s dhe Lazio Ëomen.
Në panoramën italiane pëlqehet Pietro Accardi, drejtori i Empolit. Në gjurmët e tij ka disa klube italiane. Ai ia doli shumë mirë në Toskanë, është i ri, por tashmë me përvojë në treg. Një rol të rëndësishëm në zgjedhjen e drejtorit të ri sportiv do të luajë edhe Maurizio Sarri. Trajneri ëndërron për katër nënshkrime bazë: dy në mesfushë dhe dy në sulm. Nuk do e shqetësonin disa përforcime edhe në mbrojtje, ndoshta një qendërmbrojtës dhe një mbrojtës.
