Kastrioti ka arritur të gjejë fitoren e parë në këtë sezon të Kategorisë së Parë, pikërisht në javën e tretë përballë Lushnjës. Në sfidën që erdhi për shikuesit në ekranin e RTSH2, krutanët realizuan një fitore me përmbysje, 2-1.
Pas një pjese të parë pa gola, në pjesën e dytë ishin lushnjarët që shënuan të parët, me Xhabrahimin në minutën e 54-ët. Musaj vendosi barazpeshën në minutën e 76-të, ndërsa Qyra 84’ firmos përmbysjen, 2-1 për Kastriotin.
Me këtë fitore, Kastrioti ngjitet në kuotën e 4 pikëve, po aq sa Lushnja.
KASTRIOTI-LUSHNJA 2-1
Shënues:Musaj 76', Qyra 84'/ Xhabrahimi 54'
Mbyllet sfida, Kastrioti rrëmben një fitore me përmbysje, 2-1 përballë Lushnjës.
90’ - Kastrioti i afrohet golit të tretë, Zuna ka ekzekutuar një goditje dënimi por është ndalur nga traversa.
84’ – Kastrioti përmbys rezultatin, është Qyra që ka firmosur për 2-1.
76’ – Kastrioti ka vendosur barazpeshën, është Musaj që ka realizuar nga një goditje dënimi.
65’ – Edhe njëherë Kastrioti, është Kapllani që i kishte të gjitha mundësitë të shënonte, por çuditërisht ka goditur jashtë me kokë .
64’ – Kastrioti i afrohet golit të barazimit me Ajazin, por në fund fati është me skuadrën lushnjare, topi përfundon në këndore.
54’ – Lushnja ka kaluar në avantazh, është Xhabrahimi që ka arritur të mposhtë portierin Puja për të zhbllokuar sfidën, 0-1.
Nis pjesa e dytë...
Mbyllet pjesa e parë mes Kastriotit dhe Lushnjës në barazim 0-0
45’ – Kuka i afrohet golit për Kastriotin me një goditje dënimi që ka përfunduar mbi traversën e portës së mbrojtur nga Alimuçaj.
32’ – Sulmi zhvendoset në anën tjetër, janë krutanët që kërkojnë të godasin portën me anë të Ymerit, por topi përfundon në goditje këndi, e më pas gjithçka përfundon nën kontrollin e portierit Alimuçaj.
31’ – Një tjetër mundësi për Lushnjën pas një këmbëngulja të gjatë, por Puja edhe njëherë tregohet i saktë me ndërhyrjen e tij
26’ – Xhabrahimi i ka të gjitha mundësitë të shënojë me kokë pas një aksioni të gjatë të skuadrës së Lushnjës, por goditja e tij ka përfunduar mbi portën e portierit, Puja.
Ka nisur sfida mes Kastriotit dhe Lushnjës në stadiumin “Redi Maloku” të Fushë-Krujës.
KASTRIOTI-LUSHNJA
Kastrioti: Puja, Krasniqi, Hoxha, Ymeri, Ajazi, Ndreu, Dosseh, Moses, Kuka, Musaj, Zuna.
Lushnja: Alimuçaj, Hida, Disha, Deliaj, Xhabrahimi, E.Magani, Kamissoko, Romeo, Kouassin, Meta, Motta.
