Felipe Melo tërhiqet nga futbolli i luajtur. Përmes rrjeteve të tij sociale, mesfushori brazilian, i cili ka veshur fanellat e Fiorentinës, Juventusit dhe Interit në Itali, ka bërë të ditur lamtumirën e tij nga futbolli:
“Sot mbyll një nga kapitujt më të rëndësishëm të jetës sime: karrierën time si futbollist. Kanë qenë vite të pabesueshme, plot beteja dhe pushtime, por mbi të gjitha vite në të cilat pashë planin e Zotit të realizohej në çdo hap që hidhja. E gjithë kjo që kam përjetuar, në çdo moment, është udhëhequr nga dora e Tij dhe jam përjetësisht mirënjohës për privilegjin që kam bërë atë që dua.
Falenderoj të gjitha klubet për të cilat kam pasur kënaqësinë të luaj, tifozët, të cilët kanë qenë karburanti i rrugëtimit tim, shokët e skuadrës, të gjithë njerëzit që kanë ndikuar në këtë aventurë dhe familjen time, e cila ka besuar gjithmonë tek unë. Por mbi të gjitha falënderoj Zotin që më dha talentin, guximin dhe mundësinë për ta përjetuar gjithë këtë”, shkruan mes të tjerash Felipe Melo.
