Lautaro Martinez, gjithnjë e më shumë në historinë e Argjentinës. Goli i mrekullueshëm që vendosi ndeshjen kundër Perusë është i 32-ti me fanellën e Albiceleste-s, ai që e lejoi të barazohej me legjendën Maradona për sa i përket golave, duke u ngjitur kështu në vendin e pestë në renditjen e golashënuesve.
Në 16 ndeshjet e luajtura me kombëtaren e tij gjatë vitit 2024, ishte goli i njëmbëdhjetë personal për Toron. Messi kryeson renditjen e përgjithshme me 112 gola përpara Batistuta (55), Aguero (41) dhe Crespo (35). Pas golit të fitores, sulmuesi i Interit ka komentuar paraqitjen e tij për TyC Sports. "Unë dua të vazhdoj të përmirësohem. Ky vit ka qenë shumë pozitiv, spektakolar për sa i përket performancës, golave, lojërave të luajtura”.
“Ka qenë pozitiv edhe nëse duhet të vazhdojmë të luajmë dhe të përmirësohemi ditë pas dite. Por karriera ime është e tillë, gjithmonë duke u përpjekur të përmirësohem dhe të japësh gjithmonë më të mirën”.
Lautaro pritet të enjten në Pinetina për të rifilluar punën me Interin në kuadër të ndeshjes të së shtunës në Verona. Në këmbët e tij, sigurisht që është lodhja e angazhimit ndaj Albiceleste.
Kjo është arsyeja pse, përtej energjisë konkurruese që ai sjell, kushtet e tij do të vlerësohen me kujdes, duke marrë parasysh që të martën, zikaltërit do të duhet të përballen me Leipzig. Një sfidë jashtëzakonisht e rëndësishme në funksion të kualifikimit të drejtpërdrejtë në fazën e 16-shes të Ligës së Kampionëve.
