Trajneri i Liverpool-it, Arne Slot, foli në një konferencë për shtyp para ndeshjes kundër Manchester United. “Për sa më përket mua, e thashë para ndeshjes së parë dhe mund ta them edhe një herë, ata kanë lojtarë shumë më të mirë. Për mendimin tim, pozicioni në renditje nuk tregon forcën e kësaj skuadre. Ndoshta do të duhet pak kohë që Ruben Amorimi të marrë më të mirën nga lojtarët, nuk e di, por ata patjetër do të rriten dhe janë shumë, shumë, shumë më mirë se sa tregon tabela për momentin”.
“Sa mund të përmirësohet Alexander-Arnold? Gjithmonë ka vend për përmirësim te çdo lojtar. Pra, Mo Salah është 32 vjeç dhe ende mund t'i bëjë gjërat më mirë, është e vështirë të thuhet sepse ai ka numra kaq të mrekullueshëm. Por pak para se të vija, po monitoroja ndeshjen tonë kundër Ëest Ham-it dhe pashë Mo të dilte nga fusha në pjesën e parë paksa i mërzitur kur ishim përpara 3-0. Mendoj se kjo ka të bëjë me faktin se ai humbi disa mundësi që nuk është mësuar. Por Trent ende mund të përmirësohet, mendoj se tashmë kam parë disa përmirësime këtë sezon”.
