Luiza Gega, rekord të ri kombëtar

Luiza Gega ka marrë pjesë të dielën në gjysmëmaratonën e Lilës, ndërsa ka konkurruar në 5 kilometra. Kampionia e Europës në 3000 metra me pengesa ka vendosur një rekord të ri kombëtar në 5 kilometra me kohën e re 15’16”, ndërsa në renditjen e përgjithshme ishte e shtata. Luiza Gega e ka përmirësuar këtë rekord me 23 sekonda, ndërsa më parë gjysëmmaratona, apo gara e 5 kilometrave kishte kohën 15’39”. Vendi i shtatë në këtë garë ishte rezultati më i mirë për atletet europiane, ndërsa tanimë Luiza Gega përgatitet për garat e verës me fokusin Kampionatin Botëror të Budapestit, atje ku do të synohet dhe arritja e normës së kualifikimit për në Lojërat Olimpike “Paris 2024”.