Në Berlin u zhvillua ditën e sotme maratona mitike e këtij qyteti, e cila ishte në edicionin e saj të 50-të. Në këtë garë siç pritej dominuan atletët afrikanë edhe pse duhet thënë se “festoi” edhe Japonia.
Si për meshkuj edhe për femra ishin dy atletë nga Etiopia, të cilët triumfuan në këtë edicion historik të njërës prej gjashtë maratonave më të mëdha të globit.
Për meshkuj ishte Milkesa Mengesha ai që preku i pari finishin ndërsa për femra ishte e zakonshmja Tigist Ketema.
Edhe pse kohët nuk ishin për rekord prap Maratona e sotme e Berlinit mbetet historike për nga niveli i shfaqur mes maratonomakëve pasi plot katër garues përfunduan garën nën 2 orë e 4 minuta (e treta herë në historinë e Berlinit) dhe plot 22 nën kohën e 2 orë 08 minuta (e dyta herë në histori pas Valencia 2023).
I pari jo afrikan që dhuroi kohën më të mirë ishte japonezi Yohei Ikeka (2h 05' 12").
5 meshkujt më të shpejtë:
Tadese Takele ETH 2:03:24
Cibrian Kotut KEN 2:04:34
Hailemaryam Kiros ETH 2:04:41
Kibiwott Kandie KEN 2:04:48
Bazezew Asmare ETH 2:04:57
5 femrat më të shpejta:
Tigist Ketema ETH 2:16:07
Genzebe Dibaba ETH 2:18:05
Yebrugal Melese ETH 2:19:36
Mestawot Fikir ETH 2:20:45
Azmera Gebru ETH 2:20:48
