Xhuzepe Marota, presidenti i Interit, po mendon për merkaton e verës dhe sipas medieve italiane është magjepsur nga forma e mirë e mirë e shfaqur nga Mateo Guenduzi.
Edhe pse për momentin nuk ka asnjë lëvizje në këtë drejtim thuhet se zikaltrit po punojnë pa bërë shumë zhurmë që të dërgojnë në “San Siro” mesfushorin e talentuar. Për të bindur Lacion, Interi mendon që të ofrojë Kristjan Asllanin.
Paga aktuale e lojtarit shqiptar është e përballueshme për klubin roman dhe shkëmbimi i kartonëve të Guenduzit dhe Asllanit nuk do të ishte një utopi.
