Tema e ditës në kampin e Romës është situata e Paulo Dybala, që sipas thashethemeve të fundit të merkatos është objektivi i madh i Galatasaray për janarin.
Edicioni i sotëm i “Corriere dello Sport” i rikthehet temës, duke kujtuar sesi Carlos Novel, agjent i sulmuesit argjentinas, është parë në “boksin” presidencial të stadiumit “Ali Sami Yen” në Stamboll gjatë ndeshjes të së dielës në mbrëmje mes Galatasaray dhe Trabzonspor, e cila më përfundoi 4-3.
Lajmet e fundit flasin për një negociatë në vazhdim për një kontratë dyvjeçare e gjysmë (që skadon më 30 qershor 2027) për një total prej 25 milionë eurosh neto në total, të cilat do të shkonin në xhepat e Dybala. Për gjysmën e sezonit aktual vlera është 5 milionë, pastaj 10 milionë për secilin nga dy vitet e tjera të mbetura. Turqit fillimisht duan të perfeksionojnë marrëveshjen me sulmuesin dhe më pas të kalojnë në negociata me Romën.
Klubi verdhekuq, nënvizon gazeta, është në nxitim për të përfunduar gjërat për të shmangur fillimin e klauzolës për rinovimin automatik të kontratës në rreth 8 milionë euro neto në vit. Një barrë që do të ishte e padurueshme për buxhetin e Romës. Vendimi përfundimtar i takon lojtarit, ndërsa pronarët Friedkins po kërkojnë një dëmshpërblim të vogël, nga 3 deri në 4 milionë euro, për të liruar Dybalan.
