Lajm i keq për Real Madridin nga Amerika e Jugut. Sulmuesi brazilian Vinicius Jr. pësoi një dëmtim të këmbës së tij të majtë. Lojtari iu nënshtrua një rezonance e cila konfirmoi dëmtimin që do ta mbajë atë larg fushës për rreth dy muaj e gjysmë. Vinicius Jr kështu i jep lamtumirën vitit 2023 dhe pothuajse me siguri do të humbasë Superkupën e Spanjës. Anësori i Real Madridit u dëmtua në ndeshjen e Brazilit kundër Kolumbisë pasi pësoi një ndërhyrje shumë të rëndë, që e detyroi të largohej nga fusha para kohe.
Pamjet nuk ofruan optimizëm dhe ka qenë vetë lojtari, në zonën mikse pas përplasjes, ai që ka shkaktuar alarmin. "Mendoj se është i njëjti dëmtim si herën e kaluar. Aty mora një goditje dhe e kuptova pak më vonë”, tha ai.
Dëmtimi, të cilit i referohet Vinicius është ai i pësuar nga Balaídos kundër Celtas më 25 gusht dhe që e mbajti jashtë për një muaj. Në atë rast ishte në këmbën e djathtë dhe jo në të majtë, si tani.
