Skënderbeu në volejboll për femra ka bërë një tjetër fitore 3-0 ndaj Dinamos. E kjo përsëri në sallën sportive në Farkë, ndërsa gjithçka ishte e vlefshme për fazën eliminatore të Kupës së Shqipërisë. Në gati një orë e 15 minuta, në atë ndeshje të ardhur drejtpërdrejtë në rrjetin e Radio Televizionit Shqiptar, Skënderbeu ka fituar në tre sete.
Vetëm në setin e parë ka patur një luhatje deri në 5-5 e më pas gjithçka ka qenë e dominuar nga korçaret, të cilat setin e parë e kanë fituar 25-14. Më pas edhe në të dytin nuk “lëshojnë pe” duke fituar 25-16 dhe të fundit 25-15. 9 pikë të plota për Skënderbeun në grupin A me setavarazhin 9-0, kurse Dinamo mbetet në kuotën e 1 pike dhe setavarazhin 3-9.
Kupa e Shqipërisë do të jetë pushim fundjavën e ardhshme për t’ia lënë radhën Kupës së Pavarësise, e cila do të zhvillohet në sallën sportive të Farkës.
