"Siç thashë para disa kohësh, ne kemi planifikuar gjithçka. Shumë nga ato që kemi bërë janë bërë në bazë të gjendjes sonë. Është e drejtë të thuhet se kemi mungesë në disa sektore dhe duhet të përforcohemi”. Në prag të ndeshjes së ‘Boxing Day’ ndaj Nottingham Forest, trajneri i Tottenham, Ange Postecoglu tenton të qetësojë ujërat pas humbjes së rëndë 3-6 në shtëpi në kampionat ndaj Liverpool-it dhe polemikave që pasuan.
"Ne jemi ende në gjysmëfinale të Carabao Cup, kemi ende Europa League dhe FA Cup, - shton trajneri 59-vjeçar - kështu që jemi të pranishëm në të gjitha garat”.
“Dhe nuk është se programi ynë i ndeshjeve do të lehtësohet. Kështu që ne do të përpiqemi të përforcohemi. Ku dhe me çfarë numri lojtarësh do të duhet të presim dhe të shohim. Nuk ka nevojë për panik dhe për të futur dikë që nuk mendoni se do të jetë i dobishëm për kauzën tonë në pjesën e dytë të sezonit. Mendoj se tashmë kemi treguar se jemi mjaft të matur në punën tonë”.
