Jasir Asani ishte një nga protagonistët e kualifikimit të Shqipërisë në Euro 2024 me golat e tij, por aktualisht lojtari nuk po aktivizohet me skuadrën e Guangjusë në Korenë e Jugut.
Vetëm 8 minuta është aktivizuar këtë kampionat Asani dhe situata duket e vështirë, nëse lexon deklaratat e trajnerit Li Jung Ho.
“Arsyeja pse nuk luan është sepse performanca e tij është e dobët. Asani ka shtuar shumë peshë dhe s’është mjaftueshëm i mirë në stërvitje. Nuk e di pse është përzgjedhur Asani nga Kombëtarja shqiptare”, ka deklaruar trajneri i Guangjusë .
Krisja mes Asanit dhe klubit koreano-jugor ka nisur në janar, kur sulmuesi i krahut kërkonte që të rikthehej në futbollin europian.
